代表自己的動物

前篇說起的 mock interview，是英文班入面的其中一項 "check point activity"。是模擬就當然要做戲做全套，返學第三個星期已經要著 suit 返學，熱死。

九時正開始，instructor 要我們做 self introduction，於是問了我們這個問題作引子：

"Please choose an animal to represent yourself and explain your answer."

嗯，用了一分鐘去想，選了馬。

既然只是用了一分鐘，想的東西也不會特別得哪裏去。我只是說，我像馬，是因為馬和人合作無間，我也是很 co-operative 的那一類；而且作為一個新人我也會很會 take order 的那些無聊東西。這些答案都是很 job-oriented 的那一類。

可以還有些甚麼相似的地方呢？

馬很善良啦 (雖然後來聽 W 說才想起馬都會踢人落地 =_=”)、很有用啦 (!?)、need to be taken great care of (我覺得自己很無廉恥 =_=)，這些都跟我很相像啊。好過似羊呀蜜蜂呀呢d ，馬好像聰明一點 (羊成日都問問題…「咩呀咩呀」咁 lol)、蜜蜂一個竇有幾萬隻我又唔想平凡到咁，雖然話平凡是福jek。

===
題外話，我叫我姐姐 & W 估下我用咩動物代表自己。然後，佢地既答案次序相似得有點驚人。

「豬。」
“我會唔會話無啦啦話自己係豬先你話喇”
「你話自己係麥兜丫嘛…牛/羊囉。」
“唔係”
「烏龜。」
“ok 我知我做野又鈍又慢，但係唔係呀…”
「蜈蚣囉。」
“咩事呀而家…可唔可以正．常．少．少！？”

===
題外話．二

我跟 A 是同一班英文班的，所以他也被問到同一個問題。他的答案是甚麼呢？

係海豚。

嗯，最重要既係佢 justify 佢既答案。

「因為海豚好聰明。」wakaka A 同學好自大呀…為左懲罰佢我已經叫左佢三日海豚仔了！XD 佢 mock interview o個日著住件粉紅色恤衫，於是俾我叫佢做「中華白海豚」叫左一日囉…佢想打死我咁滯。