金蘭花泰國菜館

那天跟 M 到又一城看 Wall-E，九時多才看戲我們就先到九龍城食晚飯。點解去九龍城呢？因為 M 未去過九龍城食飯，又覺得九龍城去九龍塘好近所以就去了。九龍城我只知道有潮州打冷、泰國野和清真牛肉館，行到肚餓就去了金蘭花了，食泰國野既。

但係問題係呢，我同 M 其實都唔係好食得辣既 囧rz…最後叫既小菜全部都係炸野。熱氣死。



酥炸魷魚鬚，魷魚很新鮮，只是有時粉漿多了一點結果很多條鬚痴埋一舊 XD 還有的是隔油的功夫做得不太足，碟底的油多了一點。粉漿除了麵粉以外還有一些類似紫菜的東西，不過好像沒有甚麼分別 orz。醬料是泰式辣醬，甜甜辣辣的跟魷魚鬚的味道很配合。總的來說還是粉好吃的。



炸蝦餅，其實是有五塊的，吃得出是新鮮蝦做的，不過「撻」的工序沒有做得太多所以缺少了彈牙的效果。上檯的時候很燙，要等上好一會兒才可以吃。



燒豬頸肉，普通啦無咩特別。不過很抵吃，這裏才 $38，食到我同 M 唔食呀！(最後我同佢要猜包剪 dup…輸左o個個要食一條豬頸肉咁樣清晒成碟野 XD) 不過那個汁很辣很辣，我和 M 都有點受不了。



芋頭海鮮焗飯，嗯這個相對上就有點失色了，可能不是芋頭的當造季節所以芋頭都不太好吃 (well 又可能係我不嬲都唔鍾意食芋頭既…)，海鮮還是那些雪藏海鮮，雖然飯預先有炒過但還是太濕啦。味道倒是調得不錯，沒有過鹹。



三個小菜加一個飯兩個人分著吃，食得晒o個下其實都係一件幾犀利既事 XD 飽到上心口之後才發現有糖水送，熱的椰汁西米露很好吃，不太甜，而且食熱野唔使驚肚痾 (!?)。買單約 $220，很抵吃啊。

也是和 M 談了一個晚上，笑死我。不過食完兩條盲炳唔識搭車由九龍城去九龍塘 (我地問店內個姐姐佢話可以搭小巴，不過我地搵唔到…)，最後去左搭的士囉 囧rz



===
金蘭花泰國菜館
地址：九龍城龍崗道10-12號