有關薯仔的二三事

早個星期，買了一袋薯仔，2kg 的。

對啦，一個人如何在薯仔發芽之前，幹掉兩公斤的薯仔呢？這個問題，就像在問一個人如何砌一架飛機出來一樣，都是不太可能的吧。(OK，模型o個隻除外啦)

結果，上星期 exchange mate 來了我 hall 一起溫習 german (也是順道看一下我的 hall，因為她們是沒有來過的)，溫習過後看見有一大袋薯仔，想也沒想就把數個給了其中一位很喜歡吃薯仔的 M 小姐了。

另外的 T 小姐呢，自言本身「極度唔鍾意食薯仔」。

T：waa 你咁多薯仔，可以點煮呀！？
我：多啦，薯仔沙律又得，薯蓉又得，煲湯又得…
M：係呀係呀，o個次呢，我整熟左個薯仔，之後橫切開佢，加左d 意粉醬上去一齊食呢，好好食架！

聽到呢度呢，個心好想笑 (!)，感覺好似有個廿歲既女仔同我講「原來用火腿夾三文治係好好食架！」o個隻開心大發現囉 (!!)。好想答佢「係架，其實意粉醬要黎撈飯都應該好好味」囧

當然這些話全部無出街啦…

我：係咩？哈哈又未試過喎，emm 跟住又可以將d 洋蔥薯仔切絲一齊炒啦…
M：yeee!! 聽落好似好好味咁喎，我都未整過添！
我：係牙咁要試下喇...emm (繼續諗) 仲有薯仔燜雞翼呢，呢個實 ok (好味) 喇掛
T：!!! 乜你識整薯仔燜雞翼咁犀利 (!!!!) 既！
我：有幾難喎........-____-"

嗯我相信呢兩位係真心唔識煮飯的。

===

放假的日子實在閒得很，其實有少少心機的話成件事已經可以很不同。



薯仔燜肉排，想整雞翼o個日竟然間 supermarket 無雞翼賣 (!)，又唔想整雞髀 (因為要自己斬骨好麻煩)，最後唯有退而求其次選了肉排。又估唔到幾好味 (雖然個樣幾頹下)，難得地那些肉沒有雪味，也沒有燜得很硬。



芝士火腿焗薯蓉，把薯仔弄熟後，把薯肉挖出然後把 cheese / ham 跟薯肉拌勻，最後在面頭再灑上芝士放進焗爐，簡單又美味的小吃 (雖然我是當午飯吃的)



洋蔥煙肉炒薯絲，煮的時候加了少許水令薯絲變得粉糯一點，臨上碟時灑了點 salt & pepper，洋蔥炒得又軟又甜，配上煙肉的鹹味令整碟東西都豐富了。面頭的 sausage 其實係求其想有d 肉所以才 hea 上去 -_-" 雖然明知是很肥但又真的很好吃。

===

嗯，即係我都係唔識煮飯o個類，但應該都高過 "將意粉醬淋在薯仔上面" 的那種層次掛…