散餐，與吻

早幾天跟友人在漫話，聊著身邊朋友的八卦事。然後，得知最近有位不太熟的同學仔跟別人分手。對我來說，消息很有點爆，因為他們一起已經有五六年的日子了。而更想不到的是，分手原因，是女仔被看見跟第二個男仔在校園某處接吻。

而又話分兩頭呢，這女子，for some reason ，之前又被發現背著自己男友，上！床！(仲要係o係宿舍入面…大家明白為甚麼被發現了吧？) 不過，這女子的男友，亦即是我那位不太熟的同學仔，應該是不知道這件事的。

問題就來了，假設你是我的同學仔，而你又知道你女友跟別人上過床，那，你會因為你女友跟別人上床而分手，還是因為你女友跟別人 kiss 而分手呢？(fine，如果你覺得兩件事都係無問題唔會分手既…咁唔玩咯 lol)

我和友人，竟然想也沒想，就答了不同的答案！我說，喂，kiss 喎，即係有真愛（！）o係入面啦！！！同第二個男人有真愛，頂唔順架喎，無可能再繼續架喎。上床個下，或者係唔覺意架呢！

友人的回應，很簡單，「你會唔會唔覺意同人上床呀！？」（又岩喎）又說，覺得食散餐成件事好核突，一定接受不到云云。反倒是 kiss 呢，又可以接受，畢竟只是一個吻而已啊，他說，goodbye kiss 都有啦。

我只是覺得，肯用自己的唇，吻另一人的，不多不少都會有愛的成份在內 (如果係 goodbye kiss，我諗唔會俾人傳到出黎掛)；散餐呢，就可以只是為了滿足自己的一時之慾。就如，我們掛念一個人的時候，可以隨時（！）跟別人上床，但kiss ，大概要很勉強很勉強才成事吧。