Hyper 了的 D 同學

D 同學今天跟我們說「我唔夠訓」，嗯，我很相信他這句話，我也唯有用「唔夠訓」來解釋他今天的所有行為啦。

1/ 我們倆和 A今天在和風吹拂、藍天白雲的陪伴 (!?) 下在 café 吃完飯無聊地坐著，然後我們無聊得，玩．踩．腳！(都話我地兩個根本就係無聊人…)

我：喂我地兩個加埋都四十歲啦，唔係仲玩d 咁既野呀下嘛！？
D：咩呀，邊有！！
我：你唔係已經廿歲喇咩…
D：但係唔係要減三歲架咩？
我：下！？你係咪想加返「天、地、人」三歲呀！？
D：呃，我諗係掛，總之係要唔知加定減返三歲啦…
我：但係o個個係d 人死左先幫佢加返三歲架咋喎…你聽日死喇咩XD

(還記得我姐姐也犯過同一個錯誤，笑死我 XD)


2/ 問了一個冷笑話 IQ 題：「邊個國家唔俾人坐o係度訓覺？」然後我們就開始在討論地理，好高深。也是 D 同學爆了一句「五大洲」我們才開始領略到 D 的地理知識是如何的厲害。

D：五大洲，呃…咪即係非洲、亞洲、歐洲、美洲同埋，呃，澳洲囉…
我：嗯其實仲有南極洲…美洲都分開南北兩面啦D 同學
D：車咪又係差唔多
我：好啦好啦，咁五大洋係咩丫？
D：呃…太平洋啦、大西洋啦，呀仲有咩呢…

然後想了半分鐘。

D：呀，係咪羅尼河呀 (！！)
我：你係咪想講尼羅河呀……-__-“
D：呀係呀係呀！XD
我：你明唔明個問題係問你「洋」呀，咁即係唔係「河」啦頂 -_-
D：呀我知我知，ehhh Mediterranean Sea！我唔記得中文係咩添
我：地中海！？唔係呀 -_-“

此外 D 同學還有說過「死海」，我們在笑 D 同學的時候也有說「不如你話黃河呀、長江呀、黑龍江 (！) 呀、蘇伊士運河呀咁啦」

結論是如果D 同學走上去玩「係咪小兒科」佢一定死硬…也令我們笑了整整一個小時，救命。XD