新城勁爆頒獎典禮 2008

• 謝謝 D 同學的免費票啦，兩張免費票是他上網申請新城資訊台的贈品，於是他就拉我去看了。
  


• 第二次到機場博覽館看表演，這次新城電台有補貼，所以搭機鐵到博覽館站只需 $48，個人來說覺得價位算便宜，平時已經優惠了的價格也要 $72 啊。
  
  
• 坐得很遠，望見的歌手大約是尾指般高/長，還好 D 同學有帶相機照了不少相。
  


• 頒獎禮約七時開始，十一點過少少完，成晚呢，頒左 139 個獎 (我都係睇返報紙先知，我估如果真係o係現場數，數到一半我會癲左)！250 分鐘頒 139 個獎即係平均一分幾鐘一個 (仲要包埋唱歌喎！)，很神奇。係點做出黎架呢！？原來很多時也是在歌手唱一首歌以外，司儀才匆匆忙忙的跑出來，說「xxx，請留一留步唔好走住…」之後又整多個獎俾佢 囧rz
  


• 當然啦，是新城主辦的，老實說自己也沒有甚麼期望。而幸好也真的沒有甚麼期望…
  
  
• 陳偉霆跳舞問題不大，但佢d 喘氣聲我真係頂唔順。練左咁耐舞跳分幾鐘都好似就黎死咁點繼續做跳舞歌手！？又跳舞又唱歌結果我完全聽唔到佢唱緊乜野。
  
  
• 新人識得好少，這年爆出來的 G.E.M. 也是早兩天才第一次聽到，更遑論可嵐 / 方珈悠 / 黃鎧晴 / 徐浩 / 狄易達呢！？佢地係咩樣我都完全無概念…


• Irene A 是我昨晚第一次聽到的，還以為是很年輕 (個名咁潮！) 的女歌手 (ok 我最後係失望左 lol)。回家 google 一下才知道她是出道十多年的發燒碟天后，靚聲嗎，老實說我又不覺得是，只覺得她很有江湖/風塵味。
  
  
• 頒到半路我和 D 同學都開始頂唔順，直到頒發「新城勁爆卡拉 OK 歌曲」D 同學說了一句「唔係呀咁都有！咁離譜架D 獎！？」但聽到他的偶像林峰 (！！) 獲分/頒此獎時便立即收口了。XD
  


• At17 有獎，係一件開心事；但係 hotcha 有三個獎喎…
  


• 中間司儀當然會插科打諢。
  某 DJ 1號：o個d 軟硬呀艾笠呀林海峰呀一出歌就會有獎架喇喎o係友台。
  某 DJ 2號：係啦咁阿杏兒呀宗澤呀嘉欣o個d 都o係第二個台等住拎獎啦。
  某 DJ 1號 (同范振鋒講)：呀係呢，你o個時o係友台好似都有隊野…叫 2R 架呵？有無獎架你？使唔使填咩form 先得架？
  范振鋒：痴線啦你！
  
  嘿串人串得咁開心，唔知佢地係咪唔記得佢隊「新香蕉俱樂部」o係 06 年拎過新城勁爆新人王、阿啤梨 05 年拎過新城勁爆跳舞歌曲，呢？

• 依然搞不清楚獎項的名字，完全聽得一頭霧水。「新城勁爆創作大碟」同「新城勁爆年度大碟」有咩分別…我仲未睇得出。

• S.H.E. 表現了一輪勁歌熱舞，這才發覺她們在香港真的很受歡迎，我會話D 歡呼聲仲強勁過容祖祖！這也是我覺得整個 show 比較滿意的地方之一。

• 之二，阿 sa 唱歌好聽左。

• 之三，請到蘇打綠黎！
  
  
• 當然啦，也得再次謝謝 D 的票哦。

伸延閱讀：得獎名單