補習仔

暑假的時候接了一個在藍田的補習，想著跟大學的距離也不是遠於是就接下來了，也就是我之前提過英文程度大約是 "I is the bestest" 的那位啦。八月暑假過後大家都很忙於是拖到昨天才開始補習…唉他的英文完全地退步了。退步到一個程度是，月份都搞唔清楚！

沒有心想笑他，只是替他感到有點難過。中五喎，月份既英文喎！？

"December 係咩呀你記唔記得"
「嗯…十月？」
"唔係呀...-0-"
「...唔記得左喇...」

結果呢我下次要幫佢默書，默返晒月份 & 方向 (east / south / west / north) 既英文。唉。最慘的是他好像也放棄了自己，鬥心比起暑假都時候少了很多很多，可以點搞？

問他為甚麼這樣頹呀、這陣子在溫甚麼書呀等等。
「aiya 呢排都無咩點溫書…」
"下！？九月喇喎而家都仲未使溫書！？" (well seriously 我知道其實有些人可以未使溫住既…不過應該唔係佢囉 -_-")
「係啦我成日走左去睇電視…」
"睇咩電視？少年四大名捕呀？" <--- 隨口是但講個
「係呀係呀！！你又知既！！好好睇呀真係！！」<---- 勁．興．奮！
"…不如你考慮下 del 走部電視佢…"

===

其實重點都不在上面。

臨走的時候我跟他說，下學期要到 vienna exchange，不能跟他補習啦。一開始我還以為他會很擔心自己的補習怎麼辦 (!?) ，點知，完全錯晒！佢仲興奮過我！

「vienna 即係邊度黎架？」
"奧地利維也納~"
「yeee 奧地利好多靚女架喎 (!!!!)，去到要快d 整返個返黎喇咁 hahaaa」
"整鬼你...雖然你都唔係第一個同我講呢番說話 -___-"
「hehe 咁即係話大家都覺得你係時候搵返個啦…」
"頂 XD"

點解一個補習學生會叫個老師拍拖架！？

===

所以其實有時補習都幾開心。