哈囉喂

(圖片來源：海洋公園)

• 人生第一次去海洋公園哈囉喂萬聖節派對。
  
  


• 竟然係我表弟拉我 & 我表哥去！哈哈。
  
  


• 不過我和表哥都不知道表弟沒有訂至尊門票 fast pass，結果買了普通票，排餐死 (平均一個鬼屋排四十分鐘) 囧rz
  
  


• 又，其實買左 fast pass 都無咩用，因為呢，我表弟玩完第一個鬼屋就覺得好驚，唔敢玩了XD (佢之後d 鬼屋要捉實我表哥隻手先肯行入去 XD)
  
  


• 玩了三個鬼屋：大豪嚇娛樂城、鬼娃工廠、兵馬俑異域。
  
  


• 最驚的是鬼娃工廠，因為一來我們分不清那些是真人那些是假的娃娃；二來我地諗唔到有人會撩你隻腳！XD (我表弟企左o係度唔敢行，笑死)
  
  
• 工作人員差不多每隔兩分鐘便放一隊 (約八人) 入鬼屋，不過可能我們太心急想睇下d 鬼咩樣行得太快，結果會見到前面的人，然後啦我們就好像參觀示範單位似的在遊覽，等d 鬼出黎嚇我地…成件事變得好好笑。XD
  
  
• 鬼屋外面一些露天的地方都會有鬼周圍走嚇人，大部分的鬼都好好人 (!?) 的，我表弟叫他們跟他合照他們也很樂意，工作態度十分好啊。
  
  
• 唔玩鬼屋去玩咩呢？我表弟去左兒童樂園玩，哈哈，玩攤位遊戲/滑梯等等的。佢玩槍 game 贏左隻 keroro 返黎，很開心。
  
  
• 表姐那晚也跟她的朋友去玩，她說戲棚那個也很驚嚇呀，不過我們都沒有時間排隊了。基本上我是排隊排到呆左連驚都唔知點驚...lol
  
  
• 回想起來，原來我中一之後就沒有來過海洋公園了，很驚！(痴線的我竟然係驚呢樣 -_-")
  
  
• 也是很高興的一個晚上啦。

===

• 十時多離開，搭的士到香港仔吃晚餐/宵夜。
  
  
• 緣野仙蹤，難得十時多還沒有收鋪的一家餐廳。不過啦一入到去無人招呼自己坐低餐牌都無個，望左個侍應諗住佢醒水，結果最後我同佢對望左五秒揮埋手佢先有反應。
  
  
  
  
• 餐廳的環境，想整到好有熱帶風情，但係見埋d 檯/椅我就比較驚d 假樹入面會有野飛出黎…
  
  
  
  
• 要了一個芝士焗魚柳飯，表哥要了一個咖喱焗牛腩飯。
  
  
• 很多汁，多到我覺得可以拎返屋企當白膠漿用。魚柳倒問題不大，分量也不小，即使分了半份給我表弟我還夠飽。反而表哥的那個比較好吃，料也很多，多得他也吃不完。
  
  
• 十一點半餐廳要埋數，結果佢拎走左我地張單就算了！？我地唔係應該要拎住張單出去俾錢架咩？咁即係點呀而家？(結果我地等左差唔多十分鐘就自己出去俾錢，唉)
  
  
• 侍應們傾偈的傾偈，hea 的 hea (e.g. 同我對望的那位侍應姐姐)，等收工的等收工。
  
  
• 謝謝表哥請客。=]