(source: the dance division)
話說，昨天跟 W/K/M 同學吃晚飯之前，到了尖沙咀，跟 J 小姐碰面。她呢，正跟幾個好朋友逛街，於是就在美麗華的 muji 入面，跟她們幾位打了個照面，說了幾句。然後呢，J 小姐就先送她們去地鐵站再跟我會合。但重點是，她們才走了三分鐘，J 小姐就急不及待 / 氣急敗壞的趕回來，跟我說，「喂喂喂，你估下我d 朋友仔對你有咩 comment！！？」
「下，聽落唔慌似好野喎。」我答。
「佢地呢，話你把聲好溫柔喎！！仲溫柔過我地班公認o個個把聲好溫柔既男仔喎…我聽到真係呆左一呆囉咩事。」
「咁呢個我不嬲都覺既。」我暗爽左一下。
「妖痴線啦你，聽到o個下真係爭在未講粗口…不過呢我問佢地你係咪好善良，佢地又話你似係好善良o個類…似成日俾人恰囉。」
「係啦，我成日都俾你恰架啦。」繼續暗爽。
後來，M 同學也早來跟我們碰面，暗爽中的我，第一時間把這件事告訴他。他聽後，藐了我一下。笑了一輪之後，他說「你把聲咁溫柔呢，不如去做鹹濕電話啦。」
「咦！得喎！」腦海完全是叮了一聲！
「係啦，又易搵錢，得閒嗌兩聲就有錢收咯，不知幾好。」
「又岩喎…但係要定時定候坐o係度好麻煩啫」我，竟然即時聯想到這計劃的缺陷。
「使乜啫，求其啦，飲緊茶o個時呻吟著咁嗌 "呀~~ 呀~~" 兩聲已經收錢喇，ok 架喎。」我們三位立即聯想到那畫面，開始笑到癲。之後我們在想，假如每六秒收八蚊的話，我該不出三個月就可以成為一個富翁了吧？
「拿，最多我地幫你出埋廣告，promote 你做 "溫柔猛男" 勒，男又得女又得，得左！」之後十五分鐘，我們仨的對話，都離不開溫柔二字，「拿，dull 而家好溫柔咁落地鐵喇」 / 「J 小姐呀，你可唔可以學 dull 咁好溫柔咁 del 垃圾呀？」之類，頂，我已經笑到肚痛！
===
成世人第一次被人說我的聲音很溫柔 (!!!) (我到現在還是很不能相信)，所以呢，我也從未試過把這個詞語跟自己拉上任何關係 (所以才會暗爽足一晚 lol) 大概是因為昨天我說話比較少，未開聲的關係所以較低沉吧！？身邊的友好當中，聲線溫柔的，幾近俯拾皆是，而我經常都覺得，聲線絕對是可以吸引人的一個因素。你試過因為一把聲而喜歡上一個人嗎？
晚上，J 小姐打電話來看望我那有些低落的情緒，她的方法是「嘩你把聲咁溫柔，真係每六秒八蚊既話，成日同你講電話我咪爭你幾十萬！？」…多謝晒 XD 這樣說來，我d 補習全部都好值錢啦係咪先？XD
No comments:
Post a Comment