維也納

 

好啦，終於來到了。

一個城市沒有了人就沒有生命，所以那個地方的人應該是一個城市最重要的資產。其實這裏的人都很不錯，很友善和樂意幫助人，除左迷路時無人會主動埋身問你之外，一切都很不錯。(後者我相信是因為德國人/奧地利人比較內歛的性格吧)

當然，問人也要懂選擇對的人來問 - 正常來說我們也不會走去同個阿伯問路掛？

由旅客區 (e.g. 博物館的職員)，到超級市場的收銀員 (well 我試過繁忙時間去找錢 (!!) 佢都無逼我走 lol)，到我個 hall 的 cleaning lady (我已經連續三日見到佢了)，全部都笑容滿面，一副很樂於幫忙的樣子。單是那個笑容已經令我放心不少了。有時真心定假意是很容易看得出的，嘿。

維也納/奧地利的第一語言是德文，懂英文的人不少 (因為他們在學時也有英文課，大約是由六年級開始)，不過大約一半的人都是比較基本的水平，有時真的溝通不來就唯有指手劃腳，嗯，起碼佢地都仲肯指俾你睇呀我覺得。

直到今天我更是感歎。

事緣是我這個 hall 洗衣的系統比較麻煩，是要先買一張 card 才可以洗衫，這個倒不是問題，問題是，我o係 dorm office 買完張card，張卡既 balance 係零，而我係要走到老遠去搵間 bank austria 黎 top-up 張卡囉！！邊個發明d 咁笨既 system 架！？

好啦，cleaning lady 很好人的告訴我哪裏有 bank austria，搵到以為好好彩，點知入面個阿叔話o個間 branch 無．得．做．top-up！咩原因都無淨係話 "It’s not possible to add value to your card here in our branch” 就請我走了 $&*#!*(&$^&(&*

阿叔話後兩條街又有間 bank austria，好啦就去搵，不過搵極都搵唔到，最後問路，我係入左第二間銀行入面去問人！個情況就好似係，嗯，入左間恆生問人間渣打o係邊，又或者係入左間惠康問人地附近間百佳o係邊，咁囉…

結果 CS counter 的姐姐很好人的帶我出門口然後指給我看，但係呢趕時間返學的關係最後也沒有找到了。

那 top-up 的事結局如何呢？是這樣的：我以為好趕時間，點知返到去又有時間淨喎，於是就在大學轉角的 bank austria 弄妥了一切東西，所以這天的我很感恩的呀，無得洗衫我就無衫著架喇…