自己煮

講個秘密俾大家知，其實來這裏 exchange，我其中的一個目標是，要識煮野！

當然唔係o個d 求其擺得入口食你唔死o個d 啦 (如果係的話咁我白烚晒所有野已經達成我目楆了)，而係有少少難度、不過又易控制既野食咯…嗯，是有點玄。

結果來到第二天開始就嘗試自己弄東西吃，一開始當然難度等級，是零啦。

 

炒長通粉，如果唔識整既其實我真係會覺得佢係低能仔，因為，只係將 penne 灼熟、炒兩炒就成事。醬汁是現成的，不會難吃得到哪裏去 (除非是好像 K 的 exchange mate 那樣，將 olive sause 當左係 pasta sause 然後倒左半支落去啦)，把最繁複的弄醬的步驟省掉了，這道菜還會失敗嗎？

說到底其實也是 depends on 你肯不肯去做，多過你真的是否做到呀。

 

其實上個星期的 diet 都很，嗯，蕃茄，因為 pasta sauce 是 tomato 味道的，然後自己又買了幾個蕃茄，於是其中兩天的晚餐，分別是蕃茄炒蛋和蕃茄煮魚。

煎魚難得地成功，完全沒有散開，但帶著少許雪味，唉，忘記了買胡椒累事。不過呢整個菜味道還是可以接受，因為呢，又係無．難．度．架．囉…相信問任何一個人都會識整 lol

 

西炒飯，把之前那晚的剩飯，加腸加紅蘿蔔加茄汁，炒埋一碟，又係零難度。飯之前煮得太黏，炒完之後好像好了一點，飯的質感令整個炒飯很有日本風 (!!)。

 

早兩晚弄的比較高難度，我竟然，走去炒米粉！一半成功一半失敗，成功的是把我記得把所有材料都切成絲 (!!)，有魚柳啦胡蘿蔔啦腸仔啦，還有舅母要我帶來很好吃的蝦乾，然後味道還算不賴，失敗的是炒得不夠乾身，煮的時間也長了一點，於是米粉變得太軟，最後弄得有點碎。

***

其實自己識唔識煮野食架呢？細個在舅母家經常都會看她煮飯，一些基本的概念自然是會有的，不過實習的機會沒有太多，所以我會覺得自己也不算懂做飯。一個人的時候其實煮的東西都會相對簡單，要挑戰難度既話一兜野隨時要食足三四日…仲未想像到。