新光潮州菜館

上星期一我變了一條金魚，完全無停過咁食野！朝早食完早餐去補習，之後去飲茶，飲完過舅母家做節，食左月餅、桃駁梨、夜晚食飯五送一湯 (well 我食左半條魚！hahaha)，飽到上心口之後再食左半個水晶梨…不過平時去舅母屋企食飯都係咁 =P 不斷咁食食食，然後啦，九點幾 W 去完 re-u 未食飯於是同佢，再．食．過！

先落中環周圍行，W 想去吃日本放題最後因為太夜來不及吃，輾轉到了銅鑼灣再周圍行，看見這家打冷鋪還沒有收鋪，又想起「食潮州野岩宵夜 feel」(!?) 於是就進去吃了。

坐下端上功夫茶，不太苦不過茶味也不太夠。還有啦旁邊的侍應可能以為我地好有米 (！！)，起勢咁 sell 我地要凍蟹 / 蝦 等等貴價海鮮，我地完全無視佢地繼續睇餐牌。先要了兩道菜。



滷水鵝片拼豆腐，鵝的肉質也算是嫩，而且鵝味不錯，只是覺得稍為肥了一點。豆腐啦，可能是比較晚的關係，滷得太過入味，於是有點硬又有點鹹得過了頭，分量其實也不算少呀。



椒絲腐乳炒通菜，普通啦，不過腐乳的分量剛剛好，不會太鹹也不會水汪汪似的。通菜還在季節，店也揀得不錯，很爽。



後來還追加了一道椒鹽九肚魚，我和 W 都很想吃魚呀。為甚麼會只剩下兩塊的呢？是因為上碟的時候我正跟 D 談電話，結果邊談邊吃，收線的時候就只剩下這麼多了 XD 分量其實不少，剛剛炸起也不會難吃得到那裏去，脆漿也很薄實在不錯。

十時多還有四五檯客在這裏吃，在 openrice 上看見這家館子其實劣評如潮 (！)，不過個人覺得也是可以接受呀，唯一的缺點就是較貴，三道菜連一個飯一罐汽水買單 $280，同埋侍應的服務態度比較 pushy 咁囉。也謝謝 W 請了大半啦。=]



===
新光潮州菜館
地址：灣仔駱克道405號地下