幾天。

 

• 兩三天沒有在這裏打下片言隻語，忙到發左癲。昨天某科要做 presentation，但問題是我再早一天有三個補習 present 那天也有兩個…最後就變了是 "hea 下 hea 下" 咁做。還好我負責的是那個 case 的背景資料，即使再 hea 也沒有甚麼問題啦。
  
  不過呢，present 完後，我們成組在樓梯間遇見了 professor，他說我們成組都做得不錯啊！雖然明知是門面說話，但不知何故我們都很快樂。(頂，其實係尋日我俾人玩左成日囉咩事) 嗯，昨天我都很快樂，有一堆可以讓我毫無顧慮地說話的朋友，真的讓我很感恩啊。
  
  
• 今天就到某公司做 presentation，是 interview 的一部分啦。唉，就像 W 同學所說的「吃了糞般的爛」，不要提。present 完心情麻麻，於是走去買了兩 pack kinder 繽紛樂，然後呢，回到學校上課的時候，身旁的 V 先生又請我吃了一條 Twix…ok 食完甜野/朱古力，心情果然好返好多。
  
  又，V 先生跟 AL 同學是由細玩到大的好朋友，好朋友到，是當 AL 同學毒打 (！) V 先生時，AL 同學是會搣 V 先生的大脾內側的！！！他們兩人的賤口程度，有時實在笑到我痴左線。
  
  (一輪毒打之後)
  V 先生：拿，你再係咁我真係打 9 你架。(冷靜 mode)
  AL 同學 (過左兩秒)：其實呢，你覺唔覺得個 "9" 字呢，真係好廢呀！？關個 "9" 字咩事啫，唔通你真係拎條 "9" 出黎打我咩！？(！！) (要記住呢個對話係發生在上課時分架喎)
  V 先生：語氣助詞啫，你識唔識架？唔通我話「你阿媽」，又真係講緊「你阿媽」喇喎！！？
  
  頂，成段對話笑到我流淚。
  
  
• 這天下課後，跟 V 先生/AL 同學和另一位同學一起走，沿途那位同學為我們看掌，嗯，最大的收獲是，那位同學看了我的兩隻拇指後，說我兩隻拇指的紋都有點像一隻「小眼」，意思就是說，我和我未來結婚/一起生活的那位，都是很漂亮的啊！！！！！！嘩，即刻要請佢飲茶啦係咪先！？
  
  咳嗯，不過，點解淨係望到我隻手指公先話我個人靚仔呢…囧