游水．補習

這個星期，人閒得很，友好的不是要上班就是要上學；不是要上學就是要讀書；不是要讀書就是北上；沒有北上的呢，就沒有閒錢出來。所以朝早和晏晝時分，特別得閒。逛街逛得很無聊 (某天在旺角逛街跟 J 講了幾句，她知道我一條友行街之後，個反應係「下！咁毒既你？拜拜！」咁。咩事呢而家得罪你麼！？囧)、留在家又好像太悶了一點，於是…走了去游水。

數來，也應該有七、八年時間沒有下水了，很奇異吧？一直都是運動白痴，自然對任何要郁的活動都沒甚興趣…直至這星期。

然後，跟友好們說起這件事。

我：頭先去左游水。
D：！游水！？你去游乾水咋下嘛？贏定輸呀！？
我：……頂！

另外。

我：頭先去左游水。
J：游！水！？
我：而家唔俾人游水咩…

原來我給人的感覺是如斯懶惰的。囧

===

這天接了一份新的補習，是我之前說過、沒甚禮貌的o靚仔的姐姐。

這位姐姐呢，禮貌比她的弟弟好。假如唔出聲可以跟有禮貌劃上等號的話，她該是全世界數一數二最有禮的人了。沉默的程度實在令我有點難搞。

我：嗯你有無覺得自己邊份卷特別強 or 弱咁啊！？
P (那位姐姐)：……………(二十秒！) 都無咩既，除左 oral……… (比蚊滋還有小聲)

後來做了一份英文 comprehension。

我：你有無邊個字唔識解！？
P：……………………(三十秒)………(搖頭)

好慘，問個 yes/no question 都唔肯答我…不禁令我在想，我個樣係咪好兇神惡煞，嚇親左佢呢…事件的後續，是原來她有些生字是不懂的。唯有話佢真係好．怕．醜．啦。

亦唔怪得佢話佢自己d oral 唔好了。