唱K 夜

一個月去唱兩次K…

是夜跟 D 和 K 唱，本來是跟他們還有 W 打牌的 (我地既節目唔係打牌就係唱k…囧)，不過後來 W 有要事先走，剩下的三人想打牌也打不成啦。在我的不斷要求之下，最後選了去 megabox 的 ceo neway 唱，因為呢 D 和 K 已經去過，評價也是不錯，自然打死都要去一次啦。



看見這滿桌的食物，就感受到這裏的食物實在不賴了吧？唉，對比起上次在 red box 的經驗，這晚，我們簡直像進了天堂。buffet 食物多不勝數，記得的有 壽司手卷 (即製的！)、刺身 (放在凍櫃入面，即切，不是那種放在室溫擺到出水那種…)、即蒸點心/海鮮、炒蟶子 (不過好多沙)、炒蜆、西蘭花炒蝦仁、芝士焗青口、煎牛利、焗釀蟹蓋、蒸魚、ribs…頹一點的有麥樂雞、蜜糖腸、薯餅、灼菜、豬皮蘿蔔、燜節瓜、釀涼瓜、梅菜扣肉、咖喱雞。雖然全部都不是貴價貨，但有咁多樣揀，其實已經收貨有突，有d 仲幾好味添。

還有甜品，兩款 mousse cake、cheese cake、即煎 pancake、小杯裝的 pudding 等等，全部質素不差。

唯一唔好既地方，係唱k 的本業…無環球旗下歌手的新歌啊！eason 的 H3M，無；張敬軒，無乜；謝安琪，無乜…金牌大風 / 英皇就好多新歌，但係海鳴威的歌我不曉，韋雄連名字也沒有聽過 囧 好啦唯有唱返d 懷舊歌，化身懷舊之夜啦。



呼，祝君好，唐文龍當年還在無線，仲幾靚仔，佘詩曼剛出道還是嫩口 (!?) 得很。





一堆黎明的歌 (係一堆!!)，全部都是用來滿足 D 這個黎明的大粉絲的。唱 "越夜越有機" 的時候，waitress 剛巧入來收碗收碟，她出去的時候應該會笑我們吧…看著黎明跳勁舞，先知道原來佢真係識 / 會跳舞的 囧

===

由七點唱到十二點，ceo neway 還有免費專車送我們出旺角，很讚的服務！不消三十分鐘就由 megabox 出到 mk，中間還在九龍灣 mtr、黃大仙、九龍塘、土瓜灣停過站啊。光是這一點就很加分。

價錢呢，上次在 red box 是 $139 連 buffet，而食物質素比七仔還有所不如；ceo neway 呢，$155 多好多野吃仲有專車接送。雖然無咁多新歌唱 (都有既，如果你係英皇 / 金牌大風旗下歌手的 fanz 的話)，但都抵啦！！抵到一個程度係，現在差不多三時睏得要死，但我還是要把它記下來，下次唱k 去 megabox ceo neway 喇喂！

今晚真的很高興啊，謝謝兩位。=]