麥兜響噹噹．花絮

1/ 早兩晚跟 R 和 H 去看了《麥兜響噹噹》，作為麥生 (!?) 的長期 fan 屎，電影上了差不多兩星期才去看，實在有點說不過去。唉唉唉，周圍嗌人一齊睇既時候…

D：下…唔好玩我啦 (!) (其實我好認真架)
W：你慢慢啦下
K：連我女朋友都無意慾睇呢套，咁都應該估到套戲幾爛啦係咪先 (咩！邏！輯！)

就連我的補習學生…

我：今晚去睇麥兜，嘻嘻
學生：D 咁既垃圾片你都去睇！？
我：！！咩垃圾片 #%$^&!#^(*#我：！！咩垃圾片 #%$^&!#^(*#我：！！咩垃圾片 #%$^&!#^(*#我：！！咩垃圾片 #%$^&!#^(*#$&@ 不知幾好睇！
amp;@ 不知幾好睇！
amp;@ 不知幾好睇！
學生：如果我同我 D 同學講話我去睇麥兜，我覺得會俾佢地笑囉
我：…………你死呀你等我下次整好多野過你做先……

後來。

我：不過又幾貴 bor 而家睇戲…要成 $70 張飛。
學生：你覺唔覺得呢，用 $70 睇麥兜，好蝕呀！？
我：！！關你咩事！！

唉。大約情況就是這樣。不過呢，其實又是 H 約我看的，這陣子要找看戲伴真的很難啊。



2/ 在戲院。

開了畫兩星期，我們三個在嘉禾 MK 戲院看，還是全院滿座，很爆。還好那天早上在網上先訂了票，即使手續費要 $6 per ticket 也在所不繼啦。

我旁邊坐著一對情侶，大約三十出頭。完全體會到，咩叫好眉好貌生沙蚤。

兩個一開始已經是連體嬰狀態，唔緊要，不過個女仔講野大聲到我睥左佢幾次先識收聲，講既野仲要高八度的「aiya，麥兜好—蠢—呀！嘻嘻嘻」之類。

然後，戲中有一幕，是麥太在武漢的酒店外晾衫，微風吹拂著一個橙色的 bra。個女仔，又黎料。

女：不如呢，我又買個咁既 bra 著俾你睇咯 (!!!!)
男 (竟然應佢)：好呀，我都好想睇喎！

佢地兩條友講得大聲到我無可能聽唔到，至此我實在忍唔住 diu 左一聲。你，有麥太咁大．先．算．啦…唉。