歷史

說的是正經八百 (!?) 的歷史。中學的時候，中史和西史這兩科，算是由細讀到大的，會考過後才放棄了這兩科靠背的科目。西史還好，起碼有 data based question 「無咁背」，但中史呢，就真的是把中四中五四本書，由頭到尾的背一次了。

不過呢，重點不在於我。

今天我才發覺到，原來 D 同學的西史，跟我姐姐的中史，是一樣程度的。

自會考以後，當我發覺我和姐姐的中史常識有一段距離之後，我就經常性的以調侃姐姐為樂 (！)，問她有關中史的事。結果就出現了「孔子是三國人」/ 「司馬懿寫史記」之類的歷史錯配。而個人印象最深刻的，是她數年前認真的問我「關雲長同文天祥唔係有關係架咩！？」(！)

深刻的一大原因，是，她早兩個星期又問了同一個問題…囧

其實她都算好的了，她的好朋友，要想了差不多一分鐘，才肯定孫中山是國父，他一開始衝口而出說了是「毛澤東」…

===

D 同學呢，是夜和他說了差不多三個小時電話，其實有三分一時間，相信是給他上了一堂西史課。由 the tudors 的歷史背景，說著說著到了一次大戰、又說到了教廷的事。

我：你有無聽過哥白尼呀？

D：呃…無喎

我：咁…伽俐略你應該識喇掛！？佢都支持日心說、又係教廷唔鍾意佢架喎…

D：………一開始我仲以為你講緊「神探伽俐略」添…

我：…………

然後呢講了好一會英國歷史，henry VIII 呀 queen elizabeth 呀咁。

D：咁我想問呢，而家個亨利王子係第幾代呀？

我：！？乜有個亨利王子咩！？

D：唔係咩！？

我：…你係咪想講哈里王子呀…

D：！係喎！！！

===

上星期 D 同學跟我姐姐在 london 吃飯，吃飯之前逛了一些歷史古蹟，姐姐問 D 同學，中學時有沒有讀西史，可會了解這些歷史云云。D 同學想了半晌，只說了一句「我中二 history 肥左…」囧 後來他跟我說起件事，我說「如果我係你既話呢，我會話我西史既程度同你中史既程度一樣囉…」…