生活。

 

• 昨日過得非常愉快。沒有壓力的生活果然會令人快樂一點，午飯時候幫姐姐拿她的 laptop 去修理 。頂，究竟邊個話 IBM 電腦好耐用架呢？姐姐的這部，前前後後都已經修過三次！結果等了不用半小時就可以到 counter 放低電腦，席間跟 counter 的那位哥哥仔說起這部電腦的慘況，結果他用那「sales 式的微笑」跟我說，呀係呀，通常每 lot 電腦都總有一兩部電腦係咁既…頂，我都知阿媽係女人啦！！
  
  
• 跟 J 小姐在鑽石山吃了個悠閒的下午茶，相當快樂。
  
  J：呀我地學校呢，有個老師幾高大架，個樣又唔差喎，仲識得好多野添。
  我：下！？乜呢個形容咁似我既！？
  J：！！！！ __ ！ (中間個字自行填充啦 囧)
  
  當然最快樂的，就是成功游說 J 小姐買左兩．對．鞋啦！YEAH！(我？梗係一對都無！)
  
  
• 原本回家吃晚飯，不過 W 同學叫到就出去跟他吃，算是在他歐遊之前跟一頓飯啊。輾轉一輪最後猜包剪dup 之下，去了天后的悅鮨。食物好吃 (雖然侍應閃閃的態度非常之茶餐廳)，不過最重要的還是談得很愉快就是啦。飯後跟他由天后走到太古，沿路說說笑笑，說的雖然都是無聊事 (e.g. 第時同人一齊住有蟑螂點算之類，唉我真係好驚小強)，但我還是很喜歡那種不用帶腦袋的氣氛，彷彿時間不知不覺在一堆笑聲之中流轉，輕鬆而愉快。