洗牙

…是我生平最怕的其中一件事。

在臨飛之前想著要去洗牙一次才安樂，結果昨天逼不得已去洗牙。

真係好驚。

對上一次洗牙，應該是中五時的事了，想來，已經是四年前的事！那時只是在樓下的牙醫洗，但不知是我倒霉還是和他的磁場不對，那位牙醫叔叔，我除了用「死肥仔」三個字以外也不大找得到詞語來形容他了 (ok 我知我無咩資格叫人死肥仔 囧rz) - 你知道，一個死肥仔係點樣架呢？肥啦，第一；第二係串。而那位牙醫叔叔，在我二十分鐘的洗牙過程入面基本上是 non-stop 地說：

「嘩，乜你棚牙真係污糟到咁呀。」
「嘩，你有無刷牙架。」
「jip....」

而我呢世人最憎既其中一個助語詞偏偏就係 "jip" - "jip" 乜啫？你唔識講野咩而家？

好啦，這次比較 awful 的經驗更加令我唔想去洗牙。再對上一次應該是中三，然後就是小學的牙科保健了。

小學時代比較懶，經常晚上無刷牙就去睡覺 (well，其實中學也是這樣 lol)，大家由此也可以想像我棚牙可以係污糟到咩樣。牙科保健的那位姐姐，很惡，(拿，惡同串係唔同既，所以我認我抵死) 所以次次小學派通告話去牙科保健，我早三日已經開始驚定先，唉。

就是這些經驗都使我很 reluctant 去洗牙。昨天早上戰戰兢兢的打去牙醫約期，即日中午就有位。這位牙醫是媽媽和姐姐光顧開的，說人很老實又不多話。好啦，岩晒我。

中午準時到達，牙醫叔叔看上去很好人，然後開始洗牙，一直都沒有作聲，默默的在幹大事 (!)，十五分鐘轉眼就過，把躺椅升上來，牙醫叔叔婉轉地問：

「咦，你係咪好耐無洗過牙呢？」
"hehee 係呀有幾年喇都…"
「哈哈哈哈，咁你就要洗多d 喇…」
"hahaa 好呀好呀！"



這次洗牙，竟然是在一片愉快的笑聲中結束！！完全覺得係一個 pleasant experience，好啦以後我盡量一年洗一次牙啦。