朱古力

假如朱古力是有毒的話，我來到 vienna 兩日就應該死左。

呢度朱古力真係多到呢…任何你想像得到的牌子 (除了 cadbury...唔知點解) 、味道和質感你都可以找到！基本上每款零食都硬係會痴住少少朱古力，即使是 corn flakes，十隻有九隻都係朱古力味 (!!)。

然後呢，到步時買了不少有 chocolate 的餅乾零嘴，然後吃得悶了，想找點別的餅 (e.g. 梳打餅 / 消化餅等等)，竟然，要搵左兩間 supermarket 先有，好灰。究竟呢度d 人係咪出世o個日就食朱古力架呢？又，點解佢地咁多朱古力 product 但係d 人普遍都唔肥架！？羨慕死我。



在超級市場琳琅滿目的吸引之下，買下又一包；買下又一包，結果就變到了如斯境地 =_=

不過又真係大部分都好好食。最下面長條形的 Amicelli 是德國出產的朱古力，就是 choco coating 入面有著威化，中間就有榛子軟心，好吃得不得了！還有中間那盒相對大盒的餅乾，是 cookies 上面鋪著花生再淋上朱古力醬，花生的香氣混和著朱古力的甜味，加埋就係食到停唔到口…呢盒係o係 krakow 買的，唔知 vienna 搵唔搵到呢。


(photo source: click here)

vienna 最出名的手信，是 mozart 朱古力。大概就是朱古力入面包括杏仁 or 開心果蓉了啦。其實味道個人不太喜歡，因為實在太甜太膩，可能是包裝得好才成為手信。(題外話，我真心覺得香港手信奇華的出品是不差的，貴一點也值)

然後，復活節，當然也是朱古力的天下。不過 easter 過後，那些 chocolate 造的復活兔呀復活小雞已經過時，於是全部劈價出售，頂完全忍唔到手，最後買左後面黑色o個包 truffle chocolate，原價 3.59 EUR，特價才 1.79 EUR! (見到 16 粒金莎只係 1.89 EUR 又係好想買，平到呢) 試了一粒，很香濃又很滑的朱古力啊！

超級市場的朱古力，光是 milka 的便佔上了一大個架，喜歡朱古力如我的，看見會覺得很幸福；不喜歡的，應該一見到就想嘔 (!)。

i'm such a chocolate-lover....肥死。