感謝日。生活小事。

是日真的讓我很感恩。

感謝舅父那隻手錶，雖然真的讓我很過意不去…大概是他覺得，買了給姐姐不買給我，我會嬲吧！！？其實完全無囉，唉。

也感謝 L 小姐送給我的那張唱片，她一開始跟我說買了一份小禮物給我，說「你估唔到我買左咩架喇」；又說「如果係我我一定唔會買俾自己架」云云，我還心想，「車，應該都係麥兜啦。 」結果，竟然係一隻唱片！果然係估唔到呀下！！除了這個，還有「戀愛總是意外地平靜身亡」的海報，真的很感激。現在我家中有的物事，該可以讓我扮作去看過舞台劇了。謝謝 L 小姐啊。

更要感謝那個我早以為失掉了，卻失而復得的機會。讓我興奮了好一陣子，雖然甚麼都不是，但有總好過無啊。下星期一就去 interview，這幾天該要好好的準備一番，咁，我考試點算呢…

*******

生活小事。

這天跟 A 同學與他的女朋友，即是善良的 G 小姐，還有極度認真的 Y 小姐在九龍塘吃下午茶。席間提到 winter break 大家都好像沒甚麼好做。

Y：不如我地去大尾篤啦！

我：下下！？我唔識踩單車架喎！

Y：唔緊要既，拿，阿 A 呢 (指住 A 同學) 就踩單車車埋阿 G 小姐啦；我地兩個喇喎…

我：係啦佢地兩個 (A & G) 咁 sweet 喇喎已經，咁我地做咩角色好呀！？

Y：咁咁咁…一係我地扮狗囉 (！！！！)

我：(！)喂想點先！！你自己想扮狗就唔好拉埋我落水啦頂！！！Y 小姐你快d 俾 hand hand 我！

我實在很賤。囧 又，那位極度認真的 Y 小姐，在讀一科很勁的科，人呢，隨和得緊，做事又妥當，和她做 project，她往往是最早完工的那位，仲要係凌晨三點幾出 email 話自己做好…這實在讓我這個未夠一點已經睡如死豬的人，慚愧得很。