甜食

唉，死。

 

越黎越鍾意食甜野。

離開香港以後，離開倫敦以後，基本上我每一天都 crave for something sweet。

很深刻的經驗是我和姐姐遊 scotland 在 glasgow 的時候，因為想起某些事而心情有點低落，結果呢，姐姐在逛街的中間帶我去 pret a manger (其實係因為我地兩個都肚餓) 吃了一點東西，我選了一塊肉桂蘋果蛋糕 (頂而家諗緊我又好想食！)和一杯 hot chocolate，係咪聽到都覺得好甜先 (我爭在未講埋，"好似我咁" (!!!!) )。吃完之後離奇的心情平伏了不少，完全有了生氣！好神奇！

自此之後我就知道當我一個人的時候，我就很需要甜食。

來到維也納，本身已經帶了一堆朱古力過來，有姨姨送的一排 organic chocolate；姐姐給我的半包小型三角朱古力、四大塊 thorntons 朱古力；媽媽擺落行李的一小盒金莎，唔使驚，未有耐食晒，不過個問題係我又買左一包維也納出產的朱古力喎，結果，而家有四大包朱古力o係我檯頭！

然後呢，每天我在學校都會喝上一杯 heisse schkolade，英文就是簡單的 hot chocolate，有時仲會要有 cream 的那種，今次真係肥死，頂。

在德國的時候最後幾天完全係發左癲咁好想食雪糕，結果兩日食左五球 (!)，救命，我連在機場等轉機都可以買杯 sundae 黎食囉，咩事。回來以後又買了 schkolade pudding，好好味，唉。

其實重點不在我吃了甚麼，而是我真係好想．好想．好想食甜野，d 口味轉變到我以為自己大左肚囉 (!!!!!)，明明以前就唔嗜甜架嘛，做咩而家咁鍾意食？其實係咪一個人獨處覺得寂寞的時候，都會從甜品之中來找到安慰？

我唯有靠自己的意志力來控制自己，"唔好食咁多甜野"，然而往往都係以失敗告終，我已經覺得自己肥左好多了…