先由一天最早既一餐講起。
每天九時多我們都會落酒店地下的餐廳吃自助早餐。次次都會飽到三點幾先再食得落…有咩呢？最基本的炒蛋、茄汁豆、焗蕃茄、炒蘑菇、煎牛仔腸、煎煙肉&火腿，另外還有；即製 omelet/炒蛋/煎蛋、煙火腿、麵包 x 10 款、muffin、炒飯、炒麵、粥、和食一款 (例如是燒汁煮魚)、咖喱兩款、還有自製沙律、六款水果、煙三文魚 (!)、煙雞胸、煙 snapper。光是寫有甚麼吃的就用上 100 字了！
除式中式的東西以外其他都很好吃，每天吃上一個洋蔥芝士炒蛋雖然係好．鬼．肥，但係真係好好味！另外飲品啦，有三種 smoothies，mandarin juice，coffee/tea。Mandarin juice 即是柑汁，又係二十歲人第一次喝，很香很香的柑味，很讚！
食得太飽所以我地要上去補一補眠 (!!) 先出去遊玩…痴線的食完就訓。
************************************************
落機那天在酒店 settle down 後在附近找吃的，酒店後面已經是普通人住的地區，所以小吃也很多，不過九成都未開檔 囧rz 最後看見一間街邊檔就坐下吃了。
吃的是湯粉麵，不過我地唔識泰文，佢地又唔識英文之下，大家指手劃腳最後完整無誤咁整岩晒五碗野！哈哈身體語言真係厲害。
我的這碗有牛丸、牛筋和芽菜，湯底很濃，想不到的是沒有甚麼味精，吃後不太口乾。牛筋是很有咬口的那種，也是別有一種風味啊，很好吃。最 impressive 的是即使那位煮麵的叔叔不懂英文，但他仍是笑笑口的嘗試理解我們想要甚麼，一落機就遇到親切的人對整個旅程都加分不少啦。
價錢嘛，我的那碗比較多配料所以比較貴，但貴極都係 30 Baht! HKD $7.5 呀，平到有D 驚 XD 雖然係踎街邊但係好食喎！
No comments:
Post a Comment