那年會考

又是會考放榜的季節。今年剛巧我認識的應屆會考生有不少，例如是 J 啦，還有很多不太熟的，都是我中六那年遇到的中三小朋友。

我們那年是八月十日放榜，差點不記得了。之前一天還跟 K 在旺角看「阿嫂」這套 kind of 爛片；早上揭著那本會考指南，數算著自己甚麼分應該到哪裏；把恆商的申請表 print 了出來，填著填著，心想自己真的會有資格去嗎；還有莊啟程的申請表，take psychology as AL 好不好呢。Somehow 我覺得這些計算才是最煩人的步驟，把每一個分都想得仔細，出路老實說又不太多，咁又唔得咁又唔得，很想死。

夜晚睡覺倒是不太緊張，起碼還睡得著，還有心機去想明天應該穿甚麼衣服。

最緊張的一刻是站在班主任面前拿成績單的一刻，之前在排隊還有一大堆同學跟我談天說地可以忘掉一些呀。拿到之後算是鬆一口氣沒有甚麼掛慮，跟 K 在學校 corridor 坐/談了很久才動身到莊啟程排隊交 form，最後無風無浪升回原校。十二點走。

見到今年放榜好多爸爸媽媽帶住自己仔女去搵學校都幾感慨，諗落其實最慘既都係家長，考得好就當然無問題，考得唔好又要周圍撲來撲去為自己仔女張羅學位，仔女見到個成績已經頹晒，鬧佢又唔係安慰佢又唔知可以點安慰 – o係o個個時候仲可以好真心咁話「將來有好多條路」咁咩。係有好多課程但係想唔想讀又係另一個問題…

但係點解要爸爸媽媽咁辛苦呢，今日八號風球仲見到好多媽媽o係學校門口排隊，o係度怨點解學校唔派籌俾佢地。雖然係無理取鬧 (well 根本就唔關排隊事 – 第一個黎既有八分，第二個黎既有十五分，咁會唔會收第一個唔收第二個丫？)，但都唔多唔少咁反映左佢地其實真係好焦急，如果唔係都唔使發爛渣啦。

另外比較奇怪既一樣野係比較。同學之間的還沒有甚麼 (除非很臭檔的那種 – 不過自有其他人處理的了 lol)，家長之間既先麻煩。懶係關心實情係五十個八掛，之後o係背後講講講，那種自私 & gossip的感覺其實都幾恐怖。

又其實，我都而家都唔知點解中文會 A 到，嘿我從來中文都唔係好 top o個d 黎既。睇我而家寫既野都知。

再次的恭喜 J 啦。=]