教補習

這個暑假接了很多補習，嗯相比起其他人又可能唔算太多既，新接的有三份，總共有四份。

全部都係補英文，應該一部分也是我際遇的問題，因為我的「學生」，呃，英文實在不太好。嗯，傳神一點就是 “I is the bestest” 的 level。對我來說是有點難以想像的世界，很多很基本的東西他們也不知道。真心的完全沒有訕笑他們的意思，反而感到有點悲哀，半年之後就要會考了，我可以幫得佢地幾多？

肯做的還好，不肯做的完全不知怎辦。其中一個我不知道那是性格問題，還是我問題 (!?)，還是覺得英文太難所以逃避；我只知道他這樣下去英文一定肥．硬。功課俾四樣做一樣；經常有唔同藉口 cancel 補習等等。希望佢肯生生性性做下野啦，不過當佢其他科都係咁既時候我又好難淨係要佢做英文。

喜不喜歡補習呢？ok 架其實，講下野俾野佢做又一堂，唔使對住太多人，也是不太困難的工作。當然啦仲可以同d 比自己後生既人溝通一下，其實都真係幾有趣。而家補緊o個d 都算係 friend 黎既。話分兩頭，我絕對需要訓練自己同多d 人溝通呀。也很喜歡可以有d 野真係「教到人」既感覺，很有點滿足感的。當然，唔好講到咁勁住，最起碼的，是我都可以搵到d 錢，俾自己買野呀儲錢呀都好。

還是希望來年會考的兩位補習學生做下野啦，我已經諗晒所有方法想幫佢地，不過都係要佢地做先得既，唉。佢地肯做既話我都會覺得有點 encouraging 的呀。