電話費

手提電話漸漸變成構成我生命的一部分，一部分而已，不是全部啦。沒有電話，我相信日子還是會這樣的過，只是生活會變得極度不方便。約人遲少少通常我都會打電話 call 左佢先；路痴 & 盲炳既我到了約定的地點總會迷失，所以又要用手提電話找人。

那時姐姐還在香港，家中的電話被她佔用，所以也習慣了在家的時候用手提電話煲粥的啊。簡單點來說，我所有的對外聯絡都係靠手提電話的。

例子之一，上個月既電話月費係，登登登登，$620!! 見到o個下我真係覺得自己賣肉都唔掂。總通話時間是 3625 分鐘，去到月尾都知自己瀨左野所以轉用屋企電話無用手提，加上去旅行去了四天，所以通話日數大約是 22 天。嗯，也就是說，平均每日，我打左 165 分鐘！咩事！！？

不過回想起的話又唔難理解，有一晚跟 W 談了四個小時，加上日日跟D 談大半個小時 (well 唔好問我講左d 咩！haha! ) 數埋數埋其實唔少野。當然啦心裏其實很喜歡談電話，咩都唔理講一大餐得閒笑下咁其實很爽，而且講電話那種很 close 的感覺是很難有其他東西代替的 – 有時 face to face conversation 反而可能會避忌呀。

對上一次電話費爆得好勁o個次呢，係中五剛剛考完會考，大家又是沒甚事幹所以成日講電話，最後那個月的電話費是 $500！那時還沒有補習沒有任何收入來源所以覺得個數字好勁！不過要注意一點的是我當時的 plan 只有 500 分鐘，而家個 plan 有 2100 分鐘，但係都．係．爆．左．囉…

表哥曾經話過我「根本就係一個口水佬」，其實也是不無道理的，在我信任的 peers 面前我真的可以說上很多東西，哈哈。