vienna 這裏有幾家超級市場，高價的不談，中價的有 billa, spar, melkur 等；下價一點的，有 hofer 和 penny markt。所賣的貨品其實大多都不一樣 (就正如百佳與裕記有很多相同種類的東西，但卻是不同品牌)，嗯，同一件貨品的話，下價那兩間大約會便宜 0.1 到 0.2 EUR，所以一直都很少到這些 supermarket，一來爭o個一兩蚊我都費事行；二來 hofer & penny markt 環境有點骯髒，實在有點令我卻步。
不過呢，這陣子實在閒得很，每天走在街上，總會不知不覺的走進超級市場，稍為大間少少都會走入去睇下！頂明明就無野買，硬係要入去睇過先安落。結果，逛 supermarket 基本上已經成為了我每天必做項目之一。除非我o個日唔出街啦。行完即使無買野都覺得開．心．左，死未。
走進每一家 supermarket，總會不多不少的記下價格，然後有機會到另一家時再作比較。例如，在 billa 看到 10 隻蛋賣 1.99 (well 我今晚煮送要蛋所以要買)，頂覺得好貴，於是走到 penny markt，賣 1.69；spar 呢，1.79 不過好像大隻一點，最後就在 spar 買了！如果我對任何野既研究都咁詳盡的話，我應該可以拎諾貝爾獎的了 囧
看見有貨品做半價的通常都會買；減價的也會；買一送一的就買夠兩件吧 (即使 end up 可能自己食唔晒…)；唔急用既就睇多幾間超級市場先；平三毫子咩遠少少都托返 hall 吧…
…我開始覺得自己好似佢 囧
No comments:
Post a Comment