解畫的解畫

昨天跟姐姐 skype，發生了如下一段的對話。

姐姐：咦岳華係邊個黎架!? 我睇完佢張相都無概念既...(佢睇緊忽然一周)
我：orr 係個老野黎架嘛...好似呢一兩年先出 (返) 黎拍劇咁可能你無睇啦 @_@
姐姐：唔係喎...睇相佢好耐以前有拍d 五顏六色既戲架喎 (!)
我：!!! 咩五顏六色既戲！？咸片牙！？(ok 兩樣野係無關係 -__-)
姐姐：頂唔係呀...好舊o個d 呢....
我：呃...粵語殘片？
姐姐：唔係呀又無咁舊...
我：呀..係咪邵氏d 戲呀 @_@?
姐姐：!!! 係喇係喇 XDDDDDD


然後呢，姐姐在自己的 blog 入面作了解畫 (!?)，用忽周的那張圖來說明自己的中文其實不如我所講的不濟。

1/ OKOK，其實「五顏六色既戲」同「咸片」無咩關係 =_=" 我都唔知點解自己會聯想到呢方面 XD (咸片係咪五顏六色呢…唔知喎 lol)

2/ 不過我真的很喜歡「五顏六色既戲」呢個形容詞，起碼 rule out 左「黑白片」呢個電影類別先啦係咪！？

3/ 而且我覺得自己其實幾聰明 (!)，單憑呢六個字估兩估就知道係「邵氏片」，真的有點難度呀 lol

4/ 其實那張在忽然一周入面的相，嗯，我看見的有黑色、灰色、紅色、黃色…連「五顏」也未有耶 囧


我知道姐姐呢排返工返得比較密，大部分時間都係講鬼話，所以一時間個腦轉唔切諗唔起適當既形容詞去表達「邵氏片」呢個較為陌生既詞語 jek xd

打這篇的時候又想起了很多姐姐的中文，打埋出黎我驚我遲d 見佢會俾佢打 (!)，所以都係收埋算了 XD

===

也就是這些對話讓我們不知不覺得談了兩個多小時，大概是快樂不知時間過吧。=P